Faasnacht 1983 – 50 Johr Daig Affe

Mir dien kai dummi Schnuure fiehre,
sin lieb und ordlig, jubiliere !

Vor fuffzig Johr – in dääre Stadt –
Zwei Gryndige hän gfunde statt.
Emoole d´Gruppe Dreyedrissig –
Wo zeichnet, moolt, radiert gar flissig
Und denne, gäll, doo duesch nur gaffe –
Mir Begge – alias „Daig-Affe“ !

Und äänedra – uns isch´s zwoor gliich,
gryndet dr Adolf s´Dritte Riich.
Aes – und die Gruppe „Drissig-Dry“
Sin längscht nimm doo – oh wey oh wey !
D´Daig-Affe duet das nit geniere,
si feschte, fiire, jubiliere !

Wage-Clique, maint Fyrscht Mount of Läuggeli
sin im Comité e Dorn im Aeuggeli !

Was macht das uns, mir hän jo nyt z´verliere –
Mir lächle säälig ind dien jubiliere !

Mir fahre mit und ohni Kischte
Scho fuffzig Johr uf däre Pischte
Und dien – ohni lang usprobiere
In däm Johr numme jubiliere !

Mir schimpf nit, dien niemerts plooge
Und stelle kaini dumme Frooge –
Sin ordlig, lieb, dien wagger schaffe
Und jubiliere – wie Daig-Affe !

Kommentare sind geschlossen.