Faasnacht 1977 – Im Fidleburger si neyi Fahne

D´Burgergmeind, die glatti Horde
Isch grad hundert Johr alt worde,
doch vo Intelligänz gschpüürsch nyt,
fählt´s dert an de rächte Lyt?

Gäle Fade, rote Fade, griene Fade –
Schiffli bumm –
das isch ihri Starparade -
ihr Produkt – mer finde´s dumm !

Und so Deppe wänn regiere,
wänn e neue Baslerstab,
dr alti dät aim nur geiere,
dorum, digge Stab, hau ab !

Wo goht d´Fahne
vo de Ahne
numme ane
nundefahne?

D´Zunftbrieder setze sich in Trab
mit em neye Baslerstab –
si träffe zämme, oha latz
uffen scheene Minschterplatz.

Dert wott jo d´Ge-Ge_Ge
näggschtens ihre Baizli gseh.
Die Brieder triebe´s immer toller
und wärde täglig voll und voller.

Dr G.A.W. und au dr Meier
briete us die füülschte Eier
und verschriebe klip und klab –
e Schlanggheitskur däm Bslerstab.

Ins Museum vo de Ahne
muess die alti Baslerfahne,
wottsch si gseh – so gang dert ane –
si isch bi de Ahne-Fahne.

Kommentare sind geschlossen.