Faasnacht 1976 – Mir pilzle

Kunnt 's Dir au so pilzig vor?
I glaub, die Pilz, die sinn in Gfohr !

Pilz hänn e Wandlig dure gmacht,
es dunggt aim sicher grad yber Nacht -
vor Johre nämlig, lachsch di hi –
isch´s Brot no vo de Aermschte gsi.

Doch hitte sin im Wärt si gstiege,
de Morchlepriis isch ybertriebe
und au de Steipilz koschtet Gäld -
was isoh no gratis uf dr Wält?

Gratis isch nur, was d'sälber suechsch
und wann derbi au ebbe fluechsch
will d' schitze duesch und bald ermatte,
bis z'Obe heseh die Schwünn im Kratte.

Drum mach am Sunntig di uft d'Sogge
und blieb nit vor em Färnseh hogge,
nimm grad no Kind und Kegel mit,
vergiss au dini Zaine nit !

Im Schwarzwald, dert, bi de Schwoobe,
vom Morge frieh, bis spoot in Oobe,
khasch ganz Völggerschare gseh,
wo zämme pilzle, ac herrjeh !

Zäntnerwys suecht me si zämme,
Duet dr Bode durekämme –
Und am Möntig, uff em Märt
Waisch es denn – si hänn kai Wärt !

Nit alli löhn si kontrolliere,
doch – wa das duet anefiehre
liesisch denn bim näggschte Värs,
dö kunnt jetze, so, das wär´s !

Bim Värslischmid het´s us Verseh
Die lätze Pilz zem Aesse geh.
E Gnollebletterpilz im Mage
Het är gar nit guet vertrage –

Jetz isch är gstorbe – oh herjeh
Und macht kaini Värsli meh !

Kommentare sind geschlossen.