Faasnacht 1970 – E Basler Bieridee!

S stoht nit im Broggehuus, nit im Meyer,
de dappsch im Dunggle – wie uff Eier
denn au der Duden sait der stur
die ganz exaggti Schribwies nur!
Drum, root emol, was isch das –
es isch kai Fuchs und isch kai Has,
es isch nid heiss und macht  nit weh -
s isch nur e Basler Bieridee!

Vo unsere Regierigsrööt
isch kaine irgend wie ganz blöd –
und bsunders nätt und ganz apart
isch dä halt mit sim Tällebart!
Wenn är mecht ebbis durefiehre
und ebbe gar no durestiere –
denn sait är schlich – babberlababba –
mi Holdi het e Draimli gha!

S heig ihre kirlig draimt, der Stapi,
dä siessi, gueti Globusbsppi
sagi zu ihre – hösch – Najade –
ihr könnet ha dÒlympiade!
Di Nöldi goht in d`Bobsleighgruppe
as Brämser – denn fir d`Langlauftruppe
isch scho der Lurkas usserkore
und d`Wulle, jo – die glatti Mohre –
vom Gämsbärg abe – zem Roothuus.

S Schiispringe, kasch di dra erlabe,
das fiehrt diräggt vom Lohnhof abe
zem Seibi – ins Casino ine –
dert inn funggiert als Paladine
und Hüeter vo de Schiihasdämli
der Exdiräggter vo de Trämmli.
D`Trammschiene butzt das nätti Wäse
grad suuber mit em Curlingbäse.

Tout Bâle macht mit – ganz z`hinderscht hinte
findsch gar no dÌren Zurkinde –
Regie fiehrt mit eme Giggeli
im Deepli der Herr Diggeli –
und vo der Wand luegt dürr und matt
abe der Fritzli Dürrematt.
Vo der ganze Prominänz
macht e kain in Abstinänz!

Im Eggli sitzt der Freddi Ab Egg,
me waiss, ass är en Egge ab het;
är wintscht jetz s`Wort und foht grad a:
Mi liebe Nöldi – guete Ma,
was du do saisch – isch fabelhaft –
doch leider fählt is d`Landwirtschaft;
uns fählt e Bührli – und e Schieber
wär mir jetz im Momänt viel lieber –
doch ain mit Karte – nit mit Waffe,
dä kenne d`Zircher ha – die Affe;
doch, hallo Freunde – s`dunggt mi sicher
derzue würd passe no e Bier,
das isch nit heiss und macht nit weh –
und git die beschti Bieridee!

Kommentare sind geschlossen.