Faasnacht 1965 – D’BASLER WUCHE AENDKULTUR

Vier Drepf mit waiche Bire
in d'Zyttig inseriere
Basel syg e "Weekend-Stadt
und dr Gascht heb's kaibe glatt.

Mit däm Fantasie-Broduggt
macht me hitte d'Walt verruggt.
Zwai Diräggter, 's isch e Schand
schneere au im Schwobeland

Verzelle deert vo Spure
uss Frieh- und Spoot-Kulture.
In der Rhygass kasch persee
hit no Atte-Spure gseh.

Glaubsch die Sprich vom Inserat
bisch e Dubel im Quadrat
denn e Glas Kamilletee
griegsch au in dr Heilsarmee.

Bisch e Kunschtfrind darfsch vom Klee
e verschmiirti Lynwand gseh.
Nochhär kasch in Zolli goh
und als Hornox aneschtoh.

D'Hotelschleeg hän Delifon
Duschi, Bad und Grammafon.
Fuul isch an dr ganze Sach
alles macht e Hellegrach.

Bi dam Wucheänd am Rhy
isch au gar nyt gfraits drby.
Doch vierevierzig Frangge
rybbsch fir das Ranzeblangge.

D'Farnsehwärbig bringt's sowyt
wimmle wird's in näggschter Zyt
Vo Zircher "Weekend-Henne"
Wo jetze z'Basel penne.

In dr elteschte Kultur
hän die Gritte "Konjunktur"
Das ischs ainzig Resuldat
vo däm Wucheänd-Salat.

Basel isch kai Fraide-Stadt
und mir hän dä Rummel satt.
D' Kunscht und Wisseschaft in Basel
bruucht no kai Regglame-Gfasel !!




Kommentare sind geschlossen.