Faasnacht 1956 – Heehrschpiel uff Schtottere

Radio Beromünschter: 20.35 Uhr

….. hesch am Knopf vom Radio draiht
Und heersch derno wie aine sait:

„Wir bringen heute die 91. Fortsetzung in unserer Hörspielfolge“ …..

All vierzäh Daag – e halbi Schtund,
denn meeh uff aimool wär nitt gsund.
Grad so gseeht´s uss – es duet aim dungge

Zue Hohlkepf sinn si abegsungge.
Die wo-n-e Heerspiil lose !

Will halt kei ainzig ASchtigg – ai Schtigg isch.
Nai – in Portione griegsch? S – was z? digg isch.
Me kunnt nitt druss – duet´s nimm verschtooh
Schtellt s´Radio abb – und dänggt derno ---
Das Heerspii – sell mer bloose !!!

Am Mäntig z´Obe fangts scho a.
Doo heersch – e Schpil vom „Beelimaa“.
Am Zyschtig griegsch e Portion
Uss „Kaiser der Napoleon“.
Am Mittwuch git´s e Ratieenli
Vom Heerschpil „Bappe und sy Seehnli“.
Am Donnschtig – uss der Heerschpilfolg
Uff Zyridytsch – e Grosserfolg:
„Zyri z´Nacht und wenn´s duet daage,
wenn d´Polizischte „Reeteli“ jaage !“
Am Frytig heersch – de wirsch fascht blaich.
E Schpiel – vom „Oberschtadtgasscheich“.
Am Samschtig gitt´s -  eswär nitt schlächt
Die letschti Portion – vom „Ueliknächt“.
Am Sunndig – wenn me fascht am Aend isch.
Doo gitt´s e Portion – „Vaterländisch“.

Dämm Schpiel – in Heerschpilratione
Wo si dien – d´Radioheerer floohne,
Dämm gänn si denn – die Radiodolgge
Däà duftig Name – „Hörspielfolge“.
Isch das e Dytsch ?

Scho sort ellai – das sinn so Deen
Wie me als heer – uss „Speeathen“.
Dää – wa das Weertli hett erfunde,
Dää hett die dytschi Schprooch au gschunde.
Isch das nitt Kytsch?

Wenn s´Radio e-n-Opere bringt
Wo me – e ganze Obe singt
Und Muusig macht – do duet´s doch doo
Vo Afang bis zuem Aend au goo …
Ganz ohni Ratione !

Mir sinn gerfir – s´soll jedermaa
Im Radio au – sy Gschmäggli ha.
Wär gärn duet Kammermuusig heere
E Symphonie – s´duet is nit schteere.
Nur nytt – in Portione !

Drumm sig´s wie´s well – mir sinn der Mailig
Doo sinn viel Radioheerer ainig
Mit-is – ass me in Sache
De Heerschpiel mängs kennt besser mache.
Wenn me nur wett !!!

Aimol ai Heerschpiel – amme-e-Obe
Als Ganzes z´bringe – wurd me loobe.
No wisst me-n-au wenn s´Aend isch doo
Au no vom Afang eppis – jo
Das wär doch nätt ?

Kommentare sind geschlossen.