Faasnacht 1954 – S´grien Fieber (Chlorophyllitis)

Mit Regglame,
Joo doo ka me,
Hitte mache,
Uss fuule Sache,
Uf der Wält,
E Hufe Gäld,
Denn die „Dumme"
Bringsch dermit umme !

Wottseh eppis schauggle,
Muesch e glai gauggle,
Wottsch eppis erfinde,
Zem Gäld use schinde,
Ladinischi Namme,
Gänn der richtigi Rahme,
Wo zue alle-n-Aende,
Die,Dumme" duet blände.

Als e Byschpiel,
S'Chlorophyll !I!
Made in USA,
Doo geehn sie dra,
Was is die schigge,
Isch noh so ne digge
Schwindel drumm umme,
So glaube's die ,,Dumme".

Wenn's kaufe si solle,
Schpielt d'Farb au e Rolle,
Uf e giftig Grien,
Si abisse dien,
E sooo gerisse,
Hett me das gschmisse,
Regglame-n-isch alles,
Die „Dumme" - die zahles !!!

Das isch jetzt der neyschti Fimmel,
Ohni das - kunsch nimm in Himmel,
In der Zyttig - iberall,
Isch d'Regglame - kolossal.

Chlorophyll - in jedem Lade,
Chlorophyll - als Schoggelade,
Chlorophyll - zem di rasiere,
Chlorophyll - zem s'Gsicht ischmiere,
Chlorophyll - Kaugummischigge,
Chlorophyll - guet fir die Digge,
Chlorophyll - im siesse Moscht,
Chlorophyll - als Schlanggheitskoscht,
Chlorophyll - als llagsohle,
Als Lippeschtift zem d'Gosche moole,
Chlorophyll - zem d'Runzle glette,
Rauche kasch's als Cigerette.
Chlorophyll - guet gege s'Alter,
Wirggsam au im Busehalter,
Chlorophyll - (dlebutzpapier),
Uss alte Boegg - machts jungi Schtier,
Chlorophyll - in Pilleform,
Sig fir s Buuchweh ganz enorm,
Chlorophyll - als Abfiermittel,
Es verjagt aim fascht der Kitttel,
Chlorophyll - fir d'Ratte - d'Miis,
Als Mittel gege s'Rheumediss,
Chlorophyill - scho isch si duss.
Chlorophyll - duet als Tablette,
No die ganzi Menschheit rette.
Aifach alles duet's kuriere,
Wottsch's nit glaube - due's probiere,
Und denn kunsch viliecht no druff,
Uf dä „Riese – n - USA - Bluff !!!“

Mit Regglame,
Joo doo ka - me
Uss fuule Sache,
E Gschäftli mache.

Kommentare sind geschlossen.