Faasnacht 1939 – E Schprit im Volgsgetränk

In Schwyzer Gaist und Schwyzerhirni
Mues guete Schprit verdünnt mit Kirsch
Do wärde Bärner sogar Stirmi
Das machtˆs ganz Volg verruggt und wirsch
Die Kopfwehwasserproduzente
Die hän dr Gomang rächt erfasst
Vor Johre hän si useg´funde
Was in e Schwyzerhirni passt
Härdöpfelschprit und Kirsiwasser
Das bringt dr Senn in rächte Schwung
Das isch dr rächti Stoff fir d'Schwyzer
Gaischtigi Landesverdeidigung.
E so wird hite ´s Volg verdublet
Und verfiehrt zue dumme Streich
Die beschte Fiehrer mien zum Deifel
Zuem Byschbil dr Ober Leonweich
Oder meinsch das halbi Drämmli
Die Chälberwäge wäre do
Niemols wär bim Unverfälschte
E so e Stumpfsinn usegho
D'Ländermannschaft gege Ängland
Gäll do hän die Dandis gschtutzt
Ohni Schprit im Schnaps verdeggel
Hät d´Schwyz no viel höcher putzt
Glaubet doch: dr Ö. K. Schnytzge
Het au dä Schprit im Hirni kocht
Si Bärnerwirtschaftssekretäri
Hät er suscht nit nach Basel brocht.
Oder meinsch die Dominik Mulle
Hätt jetz uff eimol Usslandsschrulle,
Dä het der Dunscht ganz kräftig bloggt
Und em s´Bluet in Hirni g´schtoggt.
Au das mit dem Kollege-Neibau
Isch doch e rächti Schnapsidee
Dass d'Schtudänte nit uswärts schmure
Gits e A. C. V. Byffee
lsch ein denn mit em Konsumbüechli
Duregfuhlt als Fräss-Schtudänt
Ka är an ´s Byffee sich go dreschte
Mit de dopplete Prozänt.
Kurz und guet an allem Blödsinn
Sin die Spiritischte Schuld
Unverschnapst het ´s Volg ganz sicher
Nit e so e Saugeduld.
Zuem Gügg het eine useg´funde
Dass ´s Volgsgetränk verschpritet isch
Und dass o armes Volg vo Hirte
Viel Johr versegglet worde bisch
E paar so Oberämtergauner
Hän ihre Ranze kreftig gfillt
Si hän im Volg dr Bulver gschtohle
Und jetzt verschwinde si vom Bild
Wenn e mol e Arbetslose
Fir sy Kohldampf ebbis muggt
Kasches in dr Zytig läse
Fätt wird däm si Name druggt
Aber wenn so Herre luse
Millione vo de Lyt
Got dr Blätterwald go schmuse
Vo so Rueche g´hersch halt nit
Lueg Schwyzer kasch halt do nyt ändere
Das isch immer e so gsi
Die grosse Gauner lost me laute
Und die Kleine macht me hi.

Kommentare sind geschlossen.