Daig Affe Club

GSCHICHT

Vor nyynzig Jòòre isch unsere Club gebòòre,

e baar Bègger, wò sùnscht dien Batzelaibli bache,

hän wèlle z Baasel Faasnacht mache,

am Gòòrtèèsch mitwaggle, das sait iine nyt,

fir so èppis sin si aifach zweenig fyt!

Dòòrùm isch d Ydee kòò glyy,

mit Ròss und Waage bisch derbyy.

Si hän schò rächt kà naimedùùre,

fir e Waageglygge längt e gueti Schnùùre!

Die Tradition hän mir bis hitte bhalte,

mir mache nò Faasnacht wie die Alte!

Wie vòr nyynzig Jòòre,

wärde nò vo Hand siessi Weggli gmacht,

(Galatsche) e jede weiss,

vòm Glaibaasel bis Schafuuse,

dr Daig-Affe-Club gyt die am Gòòrtèèsch uuse!

Mir saage Eich nur ains,

Hesch kai Blagette,

bikunsch e kains!

 

Daig-Affe-Club