Faasnacht 2013 – Iber 80 Jòòr und nò mee, Wäägeler Abstinänz im Komitee!

Fasnacht 2013

Iber 80 Jòòr und nò mee,
Wäägeler Abstinänz im Komitee!
(8 Daig-­?Affe im Drämli ùff dr Wettstaibrùgg)
Das hèsch du no nie gsee,
e Wäägeler im Komitee !
äs isch koo iber Nacht,
das Jòòr sinn mir graad acht!

Wenn das aber wäri wiirgglig soo,
wie würdi dènn das uuse koo?
Vor iber achzig Jòòre,
isch ùnsere Daig-­?Affe-­?Club gebòòre,
mir kènne ùns aber nit bsinne,
dass e Wäägeler isch gsi im Komitee inne.

Am Gòòrtèèsch -­? und das ooni Kool,
mir mèchte doch au emool,
so scheen uusebùtzt und galant,
dr Dèggel in dr Hand,
sich Vernaige zem Gruess,
wie das schyyns sò si muess!

Mir aarmi Sieche ùff em Waage,
hän e schwääreri Bùùrdi z draage,
mien ùnder dr Laarve schwitze,
ùns vor impèrtinänte Buebe schitze,
kènne d Faasnacht nit esoo gniesse,
mien halt Dääfeli und Òrangsche schiesse!
Ab und zue e Gryte stòpfe,
und nääbebyy e baar Sprichli glòpfe,
Fraid verdaile mit Mimoose,
hèsch e Blagètte, griegsch derzue e Roose!

Nääbe de Stammglygge und de vyyle Gùgge,
ooni Wääge -­? dr Gòòrtèèsch hätti e grossi Lùgge!

Het me sich im Komitee nò nie gfroggt,
was soovyyl Mèntsche an ùnseri Fasnacht loggt?
wiesoo kèmme dènn alli die Lyt ,
he joo -­? will s vò de Wääge halt èppis gyt!

Drùm kènne mir gar nit verstoo,
me nò nie e Wäägeler ins Komitee het gnoo!
Nai -­? me duet ùns jèèrlig mit neie Reegle drampe,
was ùns langsam aber sicher zem Hals uuse duet lampe!

Was ùns stèèrt derbyy am maischte,
mir kènne ùns bald d Faasnacht nimme laischte!
mir wäre doch so gäärn im Komitee verdrätte,
mir au èppis derzue d saage hätte!

Mir mèchte zem Byspiil gäärn wisse ganz genau,
wòrùm stoot me am Gòòrtèèsch sòvyyl im Stau?
ai Grùnd derfiir ­? mir kènnte wètte,
sin die „iiberyyferige“ Verkèèrskadètte,
de dèèrfsch nit luege , doo griegsch graad e Gryyse,
wie die männgmool d Wääge dien yywyyse !

Au die vyyle Schugger ùff dr Gass,
mache ùns nit richtig Gspass,
die sètte bèsser Galgeveegel iiberfiere,
statt ùnseri Wääge d saggadiere!
Sicherhait isch guet und rächt,
„iiberdryybe“ isch aber dänggbar schlächt!
Äs wäri männgs anderscht, das muess me aifach gsee,
wenn weenigschtens ai Wäägeler wäri im Komitee!

Kommentare sind geschlossen